జింబాబ్వేపై భారత్ ఘన విజయం సిరీస్ కైవసం

81, తిలక్ అజేయ 60, వైభవ్ 20 పరుగుల మెరుపు ఇన్నింగ్స్
హిందుస్థాన్ మీడియా, హరారే: జింబాబ్వేతో జరిగిన రెండో టీ20లో టీమిండియా మరోసారి పూర్తి ఆధిపత్యం ప్రదర్శించి 90 పరుగుల తేడాతో ఘన విజయం సాధించింది. తొలుత బ్యాటింగ్ చేసిన భారత్ నిర్ణీత 20 ఓవర్లలో 5 వికెట్ల నష్టానికి 219 పరుగులు చేయగా, అనంతరం జింబాబ్వేను 129 పరుగులకే ఆలౌట్ చేసి సిరీస్‌ను మరో మ్యాచ్ మిగిలి ఉండగానే 2-0తో కైవసం చేసుకుంది.
భారత్ బ్యాటింగ్‌లో ఇషాన్ కిషన్ 44 బంతుల్లో 81 పరుగులు చేసి ఇన్నింగ్స్‌కు వెన్నెముకగా నిలిచాడు. తిలక్ వర్మ కేవలం 29 బంతుల్లో అజేయంగా 60 పరుగులు చేసి చివరి వరకు నిలిచాడు. కెప్టెన్ శ్రేయస్ అయ్యర్ 25 పరుగులతో రాణించగా, యువ ఓపెనర్ వైభవ్ సూర్యవంశీ కేవలం 9 బంతుల్లో 20 పరుగులు (3 ఫోర్లు, 1 సిక్స్) చేసి జట్టుకు దూకుడైన ఆరంభాన్ని అందించాడు.
220 పరుగుల లక్ష్యంతో బరిలోకి దిగిన జింబాబ్వేకు భారత బౌలర్లు ఎలాంటి అవకాశం ఇవ్వలేదు. క్రమం తప్పకుండా వికెట్లు పడగొడుతూ ప్రత్యర్థిని 129 పరుగులకే ఆలౌట్ చేశారు. దీంతో భారత్ 90 పరుగుల భారీ తేడాతో విజయం సాధించి సిరీస్‌ను సొంతం చేసుకుంది.