ఆగస్ట్ 6 నుండి ఫార్మర్ రిజిస్ట్రీ ఐడి తోనే ఎరువుల విక్రయాలు

రైతులు రిజిస్ట్రీ పూర్తి చేసుకోవాలి: మండల వ్యవసాయ అధికారి రామకృష్ణ
హిందుస్థాన్ మీడియా, మద్దూర్ : ఈ నెల ఆగస్టు 6వ తేదీ నుంచి అన్ని రకాల ఎరువుల విక్రయాలు కేంద్ర ప్రభుత్వం ప్రవేశపెట్టిన "సెంట్రల్ ఫర్టిలైజర్ సేల్స్ యాప్ (Central Fertilizer Sales App)" ద్వారా అమల్లోకి వస్తాయని మండల వ్యవసాయ అధికారి రామకృష్ణ తెలిపారు.
ఈ సందర్భంగా ఆయన మాట్లాడుతూ, యూరియా, డీఏపీ, కాంప్లెక్స్ తదితర అన్ని రకాల ఎరువుల పంపిణీ ఫార్మర్ రిజిస్ట్రీ ఐడీ ఆధారంగానే జరుగుతుందని చెప్పారు.
రైతులు ఎరువుల విక్రయ కేంద్రాలకు వెళ్లేటప్పుడు తప్పనిసరిగా ఫార్మర్ రిజిస్ట్రీ ఐడీ తీసుకెళ్లి, యాప్ ద్వారా ఎరువులు నమోదు చేసుకుని కొనుగోలు చేయాలని సూచించారు.
ఇంకా ఫార్మర్ రిజిస్ట్రీ పూర్తి చేయని రైతులు **ఆగస్టు 6వ తేదీలోపు సంబంధిత వ్యవసాయ విస్తరణ అధికారి (AEO)**ని సంప్రదించి రిజిస్ట్రీ ప్రక్రియ పూర్తి చేసుకోవాలని మండల వ్యవసాయ అధికారి రామకృష్ణ కోరారు.