వ్యవసాయ బావులకు 24 గంటలు విద్యుత్ సరఫరా చేయాలని రైతుల ధర్నా

మాచాపూర్ విద్యుత్‌ ఉపకేంద్రం వద్ద రైతుల ఆందోళన సిద్దిపేట జిల్లా, చిన్నకోడూరు మండలం: చిన్నకోడూరు మండలంలోని మాచాపూర్ విద్యుత్‌ ఉపకేంద్రం వద్ద రైతులు ఆందోళనకు దిగారు. వ్యవసాయ బావులకు 24 గంటల పాటు నిరంతరాయంగా విద్యుత్‌ సరఫరా చేయాలని వారు డిమాండ్‌ చేశారు. వ్యవసాయానికి విద్యుత్‌ సరఫరాలో అంతరాయాలు ఏర్పడటంతో పంటలకు ఇబ్బందులు ఎదురవుతున్నాయని రైతులు ఆవేదన వ్యక్తం చేశారు. వ్యవసాయ బావులకు నిర్ణీత సమయం కాకుండా 24 గంటల నిరంతర విద్యుత్‌ సరఫరా అందించాలని అధికారులను కోరారు. సమస్యను వెంటనే పరిష్కరించి రైతులకు ఇబ్బందులు లేకుండా విద్యుత్‌ సరఫరా చేయాలని వారు డిమాండ్‌ చేశారు.