2027 జనాభా లెక్కల్లో 21 రకాల వైకల్యాల వివరాలు నమోదు చేయాలి: అడివయ్య
ప్రభుత్వ శాఖల్లో దివ్యాంగుల బ్యాక్‌లాగ్ పోస్టులను భర్తీ చేయాలి
సెప్టెంబర్ 25–30 వరకు దేశవ్యాప్తంగా కలెక్టర్ కార్యాలయాల ఎదుట ధర్నాలు: ఎన్‌పీఆర్‌డీ రాష్ట్ర ప్రధాన కార్యదర్శి ఎం. అడివయ్య
సిద్దిపేట, సెప్టెంబర్ 15, హిందుస్థాన్ మీడియా: 2027 జనాభా లెక్కల్లో దివ్యాంగుల హక్కుల చట్టం–2016 కింద గుర్తించిన 21 రకాల నిర్దిష్ట వైకల్యాల వివరాలను విడివిడిగా నమోదు చేయాలని ఎన్‌పీఆర్‌డీ రాష్ట్ర ప్రధాన కార్యదర్శి ఎం. అడివయ్య డిమాండ్ చేశారు. సిద్దిపేట పట్టణంలోని కార్మిక, కర్షక భవన్‌లో ఎన్‌పీఆర్‌డీ జిల్లా కమిటీ సమావేశం గురువారం నిర్వహించారు. జిల్లా అధ్యక్షుడు ఎం.డి. సాజిద్ అధ్యక్షతన జరిగిన సమావేశానికి ముఖ్య అతిథిగా అడివయ్య హాజరై మాట్లాడారు.
2027 జనాభా లెక్కల్లో కేవలం 9 రకాల వైకల్యాల వివరాలను మాత్రమే నమోదు చేయాలని కేంద్ర ప్రభుత్వం నిర్ణయించినట్లు అడివయ్య పేర్కొన్నారు. దీనివల్ల దివ్యాంగులకు తీవ్ర అన్యాయం జరుగుతుందని అన్నారు. ఆటిజం స్పెక్ట్రమ్ డిజార్డర్, నిర్దిష్ట అభ్యసన వైకల్యాలు, మరుగుజ్జుతనం, కుష్టు వ్యాధి నుంచి కోలుకున్న వ్యక్తులు, చెవిటి-బ్లైండ్, బహుళ వైకల్యాలు తదితర వైకల్యాలను విడిగా నమోదు చేయాలని డిమాండ్ చేశారు. రక్త సంబంధిత రుగ్మతలను కూడా కేవలం ఒకే వర్గంగా కాకుండా తగిన విధంగా నమోదు చేయాలని కోరారు.
దేశ జనాభా పరిమాణం, లక్షణాలను తెలుసుకోవడంలో జనాభా గణన కీలక ప్రక్రియ అని అడివయ్య అన్నారు. జనాభా లెక్కల్లో దివ్యాంగుల వివరాలు సరిగ్గా నమోదు కాకపోతే దాని ప్రభావం కేవలం గణాంకాలకే పరిమితం కాదని, విద్య, ఉపాధి, ఆరోగ్యం, పునరావాసం, సామాజిక భద్రత, ప్రజా సేవల ప్రణాళికపై కూడా ప్రభావం పడుతుందని పేర్కొన్నారు. ఆర్‌పీడీ చట్టం కింద గుర్తించిన 21 రకాల వైకల్యాలకు, జనాభా గణనలో గుర్తించే వివరాలకు మధ్య ఎలాంటి వ్యత్యాసం ఉండకూడదన్నారు.
బ్యాక్‌లాగ్ పోస్టులు భర్తీ చేయాలి
రాష్ట్ర ప్రభుత్వ శాఖల్లో ఖాళీగా ఉన్న దివ్యాంగుల బ్యాక్‌లాగ్ పోస్టులను గుర్తించి, వాటి భర్తీకి ప్రత్యేక నోటిఫికేషన్ విడుదల చేయాలని అడివయ్య డిమాండ్ చేశారు. కాంట్రాక్టు, ఔట్‌సోర్సింగ్ ఉద్యోగ నియామకాల్లోనూ దివ్యాంగులకు 4 శాతం రిజర్వేషన్ అమలు చేయాలని కోరారు.
ఎన్‌పీఆర్‌డీ జిల్లా గౌరవ అధ్యక్షుడు గొడ్డుబర్ల భాస్కర్ మాట్లాడుతూ జిల్లాలో దివ్యాంగుల సమస్యల పరిష్కారంలో ప్రభుత్వం నిర్లక్ష్యం వహిస్తోందని ఆరోపించారు. ఇందిరమ్మ ఇళ్ల కేటాయింపులో దివ్యాంగులకు మొదటి ప్రాధాన్యత ఇవ్వాలని, ప్రభుత్వం అమలు చేస్తున్న సంక్షేమ పథకాల్లో 5 శాతం రిజర్వేషన్ అమలు చేయాలని డిమాండ్ చేశారు.
దివ్యాంగుల సమస్యలపై దేశవ్యాప్తంగా సెప్టెంబర్ 25 నుంచి 30 వరకు కలెక్టర్ కార్యాలయాల ఎదుట ధర్నాలు నిర్వహించనున్నట్లు నాయకులు తెలిపారు. సిద్దిపేట జిల్లా కలెక్టర్ కార్యాలయం ఎదుట సెప్టెంబర్ 28న ధర్నా నిర్వహించనున్నట్లు భాస్కర్ వెల్లడించారు.
సమావేశంలో జిల్లా కార్యదర్శి రమేష్, జిల్లా ఉపాధ్యక్షులు తుమ్మలపల్లి అనిల్, చేర్యాల డివిజన్ ఉపాధ్యక్షులు తాండ్ర సత్యయ్య, జిల్లా నాయకులు లింగం, ప్రభాకర్, స్వామి, రాజు, పెద్దులు తదితరులు పాల్గొన్నారు.
సెప్టెంబర్ 25–30 వరకు దేశవ్యాప్తంగా కలెక్టర్ కార్యాలయాల ఎదుట ధర్నాలు: ఎన్‌పీఆర్‌డీ రాష్ట్ర ప్రధాన కార్యదర్శి ఎం. అడివయ్య
సిద్దిపేట, సెప్టెంబర్ 15, హిందుస్థాన్ మీడియా: 2027 జనాభా లెక్కల్లో దివ్యాంగుల హక్కుల చట్టం–2016 కింద గుర్తించిన 21 రకాల నిర్దిష్ట వైకల్యాల వివరాలను విడివిడిగా నమోదు చేయాలని ఎన్‌పీఆర్‌డీ రాష్ట్ర ప్రధాన కార్యదర్శి ఎం. అడివయ్య డిమాండ్ చేశారు. సిద్దిపేట పట్టణంలోని కార్మిక, కర్షక భవన్‌లో ఎన్‌పీఆర్‌డీ జిల్లా కమిటీ సమావేశం గురువారం నిర్వహించారు. జిల్లా అధ్యక్షుడు ఎం.డి. సాజిద్ అధ్యక్షతన జరిగిన సమావేశానికి ముఖ్య అతిథిగా అడివయ్య హాజరై మాట్లాడారు.
2027 జనాభా లెక్కల్లో కేవలం 9 రకాల వైకల్యాల వివరాలను మాత్రమే నమోదు చేయాలని కేంద్ర ప్రభుత్వం నిర్ణయించినట్లు అడివయ్య పేర్కొన్నారు. దీనివల్ల దివ్యాంగులకు తీవ్ర అన్యాయం జరుగుతుందని అన్నారు. ఆటిజం స్పెక్ట్రమ్ డిజార్డర్, నిర్దిష్ట అభ్యసన వైకల్యాలు, మరుగుజ్జుతనం, కుష్టు వ్యాధి నుంచి కోలుకున్న వ్యక్తులు, చెవిటి-బ్లైండ్, బహుళ వైకల్యాలు తదితర వైకల్యాలను విడిగా నమోదు చేయాలని డిమాండ్ చేశారు. రక్త సంబంధిత రుగ్మతలను కూడా కేవలం ఒకే వర్గంగా కాకుండా తగిన విధంగా నమోదు చేయాలని కోరారు.
దేశ జనాభా పరిమాణం, లక్షణాలను తెలుసుకోవడంలో జనాభా గణన కీలక ప్రక్రియ అని అడివయ్య అన్నారు. జనాభా లెక్కల్లో దివ్యాంగుల వివరాలు సరిగ్గా నమోదు కాకపోతే దాని ప్రభావం కేవలం గణాంకాలకే పరిమితం కాదని, విద్య, ఉపాధి, ఆరోగ్యం, పునరావాసం, సామాజిక భద్రత, ప్రజా సేవల ప్రణాళికపై కూడా ప్రభావం పడుతుందని పేర్కొన్నారు. ఆర్‌పీడీ చట్టం కింద గుర్తించిన 21 రకాల వైకల్యాలకు, జనాభా గణనలో గుర్తించే వివరాలకు మధ్య ఎలాంటి వ్యత్యాసం ఉండకూడదన్నారు.
బ్యాక్‌లాగ్ పోస్టులు భర్తీ చేయాలి
రాష్ట్ర ప్రభుత్వ శాఖల్లో ఖాళీగా ఉన్న దివ్యాంగుల బ్యాక్‌లాగ్ పోస్టులను గుర్తించి, వాటి భర్తీకి ప్రత్యేక నోటిఫికేషన్ విడుదల చేయాలని అడివయ్య డిమాండ్ చేశారు. కాంట్రాక్టు, ఔట్‌సోర్సింగ్ ఉద్యోగ నియామకాల్లోనూ దివ్యాంగులకు 4 శాతం రిజర్వేషన్ అమలు చేయాలని కోరారు.
ఎన్‌పీఆర్‌డీ జిల్లా గౌరవ అధ్యక్షుడు గొడ్డుబర్ల భాస్కర్ మాట్లాడుతూ జిల్లాలో దివ్యాంగుల సమస్యల పరిష్కారంలో ప్రభుత్వం నిర్లక్ష్యం వహిస్తోందని ఆరోపించారు. ఇందిరమ్మ ఇళ్ల కేటాయింపులో దివ్యాంగులకు మొదటి ప్రాధాన్యత ఇవ్వాలని, ప్రభుత్వం అమలు చేస్తున్న సంక్షేమ పథకాల్లో 5 శాతం రిజర్వేషన్ అమలు చేయాలని డిమాండ్ చేశారు.
దివ్యాంగుల సమస్యలపై దేశవ్యాప్తంగా సెప్టెంబర్ 25 నుంచి 30 వరకు కలెక్టర్ కార్యాలయాల ఎదుట ధర్నాలు నిర్వహించనున్నట్లు నాయకులు తెలిపారు. సిద్దిపేట జిల్లా కలెక్టర్ కార్యాలయం ఎదుట సెప్టెంబర్ 28న ధర్నా నిర్వహించనున్నట్లు భాస్కర్ వెల్లడించారు.
సమావేశంలో జిల్లా కార్యదర్శి రమేష్, జిల్లా ఉపాధ్యక్షులు తుమ్మలపల్లి అనిల్, చేర్యాల డివిజన్ ఉపాధ్యక్షులు తాండ్ర సత్యయ్య, జిల్లా నాయకులు లింగం, ప్రభాకర్, స్వామి, రాజు, పెద్దులు తదితరులు పాల్గొన్నారు.